የመንግስት ብልግና ተቃዋሚዎች በተለያየ መልኩ ተቃውሞ ማሰማታቸውን ቀጥለዋል

የመንግስት ብልግና ተቃዋሚዎች በተለያየ መልኩ ተቃውሞ ማሰማታቸውን ቀጥለዋል በነገራችን ላይ፤

ሸንቁጤ

ኢትዮጵያችን ድህነት ውስጥ ነች፣ ኢትዮጵያችን ድምፅ የሚታፈንባት ሀገር ሆነች፣ ኢትዮጵያችን ሰዎች የሚሰደዱባት ሀገር ሆነች፣ ኢትዮጵያችን ባለስልጣኖች እና አባሎች ብቻ የሚበለጥጉባት ሀገር ሆነች፣ ሆነች ሆነች ሆነች… የምንለው የሀገሪቱን ስም ለማጥፋት አይደለም፡፡

“አረ በቃ በቃ

ጉሮሯችን ነቃ”

ለማለት ፈልገን ነው…!

ለማንኛውም የመንግስት ብልግና ተቃዋሚዎች በተለያየ መልኩ ተቃውሞ ማሰማታቸውን ቀጥለዋል፡፡ የፊታችን እሁድ አንድነት ለዴሞክራሲ እና ለፍትህ ፓርቲ በባህር ዳር፣ በጂኒካ፣ በመቀሌ፣ በአርባ ምንጭ እና በወላይታ ሶዶ… የመንግስትን ብልግና ሊቃወሙ ሰላማዊ  ሰልፍ ጠርተዋል፡፡ መንግስትም ይለይላችሁ ብሎ ብልግናውን አጠናክሮ ቀጥሎበታል፡፡ በ 24 ሰዓት ውስጥ መቀሌን ለቀህ ውጣ የሚል ብልግና፤ እስር እና ድብደባን የመሰለ ብልግና ከመንግስት ማይጠበቅ ብልግና…

የሰቆጣ ወጣቶች በቅርቡ በራሳቸው አነሳሽነት አሁንስ በዛ…. ብለው ተቃውሟቸውን አሰምተዋል፡፡ (ያልነገርኩዎት ነገር ሰቆጣን አውቃታለሁ፡፡ ከስምንት አመት በፊት ለአንዳች ልማታዊ ስራ ተጉዤባት ነበር፡፡ ታድያ ከትላንት ወዲያ ከወደ ሰቆጣ የሰማነው ተቃውሞ ያኔም በእያንዳንዱ የሰቆጣ ሰው ሲነገር የነበረ ነው፡፡ ሰቆጣዎች ያኔም ታጋዮቹን በሰንበት ሁላ ፈጭተን አብልተናቸው ከዱን እያሉ አብዝተው ያማርሯቸው ነበር፡፡ ኢህህዴግ ነፍሴ “ስክሪን ሴቨሯን” አዲሳባን ብቻ ባለ ሀብቶች እንዲያሳምሩ አድርጎ ውስጣ ውስጦቹን “ሀገራችሁ ለትግል እንጂ ለልማት አይመችም” እያለ “ላሽ” ብሏቸዋ የለ… (በሌላ ቅንፍ ፅንፈኛ ከተባልን አይቀር ደግሞ፤ ከአዲሳባም እነ ሽሮሜዳ የልማቱ ተቋዳሽ ሳይሆኑ የእንግዳ መውጫ መግቢያው ቦሌ ነው ያማረበት ብለን እናማርራለን)

…እናልዎ ሰቆጣዎች ከስምንት አመት በፊት ለእኛ ሲያወጉን የነበረውን ነው ዛሬ በአደባባይ ያሰሙት፤ “መንገድ መርተን አስገብተን መንገድ የሚሰራልን አጣን!” እያሉ ነው) ከሰቆጣዎች ጋር የሚመሳሰል ተቃውሞ ጎንደሮች በዛ ሰሞን አካሂደዋል፡፡ ወለጋዎችም ቀን እየጠበቁ ነው፣ ወልቂጤዎችም ቀጠሮ ሳይዙ አይቀሩም፣ ሃዋሳዎችም እስቲ ትንሽ እንየው ብለው እንጂ መቆጣታቸው አይቀሬ ነው፣ጋምቤላዎችም ከዛሬ ነገ እያሉ ነው እንጂ በየቦታው በርካታ የልማት ችግሮች አሉ፡፡

እና እንደነገርኩዎ አንደነት ፓርቲ እሁድ በባህር ዳር፣ በጂኒካ፣ በመቀሌ፣ በአርባ ምንጭ እና በወላይታ ሶዶ…  ሰላማዊ ሰልፍ ጠርቷል፡፡ ዶክተር ነጋሶ በሊቀመንበርነት የሚመሩት አንድነት የሚሊዮኖች ድምጽ ለነፃነት ብሎ መንቀሳቀስ ከጀመረ… ሰነባበተ ብዬ መቼም አልነግርዎትም!

ሰማያዊ ፓርቲ ጥያቄዎቼ ካልተመለሱ ወይ ፍንክች ማለቱንም ያውቃሉ፤ ድምፃችን ይሰማ ያሉት ሙስሊም ኢትዮጵያውያንን ነገርም እየሰሙ ነው፡፡ ታድያ ኢህአዴግዬን፤

“ተጠየኩኝ ብለሽ አትበይ ጠመም ገተር

መመለስ ነው ደጉ ላንቺም ሆነ ላገር

እህይ ገዳማይ…”

እንበላታ!

Advertisements

Posted on August 4, 2013, in Andinet, ETHIOPIA AMHARIC, Ginbot 7. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: