ዶ/ር ደብረ ጽዮን በቀድሞው ጠቅላይ ሚኒስትር ቦታ በአደዋ ይወዳደራሉ

ኢሕአዴግ ሥልጣን ከያዘ ጊዜ ጀምሮ በተካሄዱት አራት ጠቅላላ ምርጫዎች የቀድሞው ጠቅላይ ሚኒስትር መለስ ዜናዊ በተወዳደሩበት በአደዋ የምርጫ ክልል   ለመጀመሪያ ጊዜ በዘንድሮ ምርጫ ዶ/ር ደብረ ጽዮን ለሕዝብ ተወካዮች ምክር ቤት ሲወዳደሩ ዘንድሮ ለመጀመሪያ ጊዜ ነው፡፡ ወደ ፌዴራል መንግሥት ከመምጣታቸው በፊት በደቡብ ትግራይ ክልል ምክትል ዋና አስተዳዳሪ፣ በኋላም የትግራይ ክልል የንግድና ኢንዱስትሪ ቢሮ ኃላፊ ሆነው ሠርተዋል፡፡
0803fe72dc628e4a2bf444d22497ca6e_XL
የአደዋ ከተማ ተወላጅ የሆኑት ዶ/ር ደብረ ጽዮን ወደ ትጥቅ ትግል ከመግባታቸው በፊት፣ ከተማውን በመወከል ታዋቂ የእግር ኳስ ተጫዋች እንደነበሩ የሚያውቋቸው ይናገራሉ፡፡
አደዋን ወክለው ለሕዝብ ተወካዮች ምክር ቤት በአራት ተከታታይ ምርጫዎች የተወዳደሩት ሟቹ የቀድሞ ጠቅላይ ሚኒስትር፣ ሕወሓትን ከ1977 ዓ.ም. ጀምሮ ኢሕአዴግም ከተመሠረተበት ከ1981 ዓ.ም. ጀምሮ በሊቀመንበርነት የመሩ ሲሆን፣ መጀመሪያ ለሦስት ዓመታት የሽግግር መንግሥቱ ፕሬዚዳንት፣ ቀጥሎም እስከ ሕልፈተ ሕይወታቸው በጠቅላይ ሚኒስትርነት አገሪቱን መምራታቸው ይታወሳል፡፡
በአራተኛው ጠቅላላ ምርጫ የቀድሞዋ ሕወሓት ታጋይ ወ/ት አረጋሽ አዳነ ዓረና ትግራይ ለዴሞክራሲና ለሉዓላዊነት ፓርቲ አባል የሆነበትን መድረክ በመወከል፣ ከቀድሞ የትግል ጓዳቸው ከአቶ መለስ ጋር መፎካከራቸው አይዘነጋም፡፡ በአሁኑ ምርጫ ግን ዶ/ር ደብረ ጽዮንን የሚወዳደረውን ተፎካካሪ ዕጩ ማወቅ አልተቻለም፡፡
ብሔራዊ ምርጫ ቦርድ የዕጩ ተወዳዳሪዎችን የመጨረሻ ዝርዝር የያዘውን ቅጽ አራት በመባል የሚታወቀውን ሰነድ ይፋ ባለማድረጉ፣ በተለይ የኢሕአዴግና የተቃዋሚ ፓርቲዎች አመራሮች በተለያዩ የአገሪቱ ክፍሎች የሚወዳደሩባቸውን የምርጫ ክልሎች ለማወቅ አልተቻለም፡፡ ባለፈው ሳምንት ዋነኛ የኢሕአዴግና የተቃዋሚ ፓርቲዎች ዕጩዎች በአዲስ አበባ የሚወዳደሩበትን ይፋ ያልሆነ ዝርዝር ዋቢ በማድረግ መዘገባችን ይታወሳል፡፡
Advertisements

Posted on March 15, 2015, in ETHIOPIA ENGLISH. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: