ወልቃይት፣ ያሬድ ጥበቡና ጄኔራል ጻድቃን (በፍቃዱ ደረጀ)

በፍቃዱ ደረጀ

  • ጻድቃን እንደ እኛ ሊያስብ ይችላል፣
  • ህጋዊ ማእቀፎችን እንጠቀም፣
  • አዲስ አበባ አድጋለች መጎብኘት ባልችልም፣
  • የመለስ ጥሩ ስራ ህወሀትን ከሌሎች ድርጅቶች እኩል አድርጎት መሄዱ ነው

ያሬድ ጥበቡ ኢህዴን የተባለውን ብአዴን ከመሰረቱ ግለሰቦች አንዱ ነበር ሲታገል ሲታገል ቆየና ከእለታት አንድ ቀን የአመት እረፍት ተሰጠው ይህንን የእረፍት ጊዜውን በዋና እንደሚያሰልፍ ቀድሞ የተረዳው ወዲ ዜናዊ ተከዜ ላይ ለምን አንዋኝም ሲል ግብዣ አቀረበለት ሳያቅማማ ተቀበለው የመለስ ዜናዊ ጦር እየወጋው ቢሆንም ያሬድ አንዳች ነገር ሳይሰማው ወደ ተከዜ ወንዝ ተጓዘ እንደደረሱም ጨዋታ ፈረሰ ዳቦ ተቆረሰ ከዛሬ ጀምሮ የኢህዴን አመራር አይደለህም ሁለት ምርጫዎች አቀረበለት… ብርሀኑ ነጋ የሄደበትን መንገድ መርጦም በፓርት ሱዳን አድርጎ ዲሲ መኖር ከጀመረ 30 አመት ሊሞላው የጳጉሜን መጥባት እየተጠባበቀ ነው።

በነዚህ ወቅቶች ያሬድ ጥበቡ በኢትዮጵያ ፓለቲካ አዎንታም አሉታዊም ማልያ በማጥለቅ ለደደቢትም ለፋሲል ከነማም ሲጫወት ታይቷል አንዳንዴ የሚሰጣቸው አስተያየቶች ሲያስገርሙ እንዴ ሰውየው ሲያስብሉት ኖረዋል በምርጫ ዘጠና ሰባት ወቅት ለሀይሉ ሻወል ወግነሀል ያሉት ወገኖች ውርጅብኛቸውን በአካል፣ በኢሜይል፣ በስልክ ሲያከናንቡት እንደነበረ ኑዛዜ ዘያሬድ በተሰኘው መጣጥፉ ተናግሯል ይህ ሁሉ ግን ያመነበትን በአደባባይና በድፍረት ስለሚናገር ነው።

የያሬድ ፓለቲካ ይመቸኛል ከመንጋው ተለይቶ ማሰብን ተክኖታል ከጎኑ እልፍ አእላፍም ቆሙ እልፍ ብለውትም ቢቆሙ ያሬድ ያው ያሬድ ነው ለአገራችን በተለይም አዲስ ለሚመጣው ፓለቲከኝ ማሸጋገር ካለብን የያሬድን ፓለቲካ ከፓኬጆቹ መሀል ማስገባት ብልህነት ይመስለኛል።

ያሬድ ጥበቡ ከኢሳት ቲቪ ጋር ያደረገውን ቃለምልልስም በጥሞና እንዳያልቅብኝ በመሳሳት ተከታትየዋለው ከኤርምያስ ጋር የሚያመሳስላቸው አንድ ነገር ቢኖርም ሁለቱም የወያኔን ፓለቲካ ጠንቅቀው ማወቃቸው ነው ከውስጥም ከውጭም ሆነው ወያኔን አይተውታል ውይይታቸውም መደማመጥና ክርክር የነበረበት ነው ያሬድም አቅዋሙን በማያሻሙ ቃሎች ሲገልጽ ጥያቅዎቹን ሲመልስ ታይቷል።

ፓለቲካ እንደጊዜው ሁኔታ መቀየር አለበት ሲል ተናግሯል አሁን ያለውን የወልቃይት ችግር ከህዝቡ ጋር የቆሙ የብአዴን አባላት ይዞ ቢጓዝ ውጤታማ ያደርጋል እነሱንም አይዟችሁ ስንላቸው ህዝበ የላከው ምንም አይፈራምና ትግሉ ውጤታማ ይሆናል ሲል ተናግሯል የብአዴንን አመራርና ህዝብ አይዟችሁ ስንላቸው አሀ ወያኔ ቢገፋን እንኳ የሚቀበለን ህዝብ አለ የሚል ልብ ልብ ይሰጣቸዋል።

ያሬድ እውነቱን ነው ሶቭየት ህብረትና አሜሪካ ጀርመን የተባለችውን ሀገር ለሁለት ሲገዟት ከቆዩ በኋላ አሜሪካ የመጠቅለል ፍላጎት አደረባት ስለሆነም በሶቭየት እጅ የነበረውን ምስራቅ ጀርመን ግዛት ባለስልጣኖች በሄዱበት ስታስቀር፣ የምስራቅ ጀርመን ወታደሮችም ወደ ምእራብ ጀርመን እየከዱ ሲገቡ ህዝቡ ሆ ብሎ ሲቀበላቸው ምስራቅ ጀርመን ተንኮታኮተ በሂደትም የበርሊን ግንብ ፈርሶ አገራቱ አንድ ሆኑ።

የኢያሪኮ ግንብ የሆነውን ወያኔን ለማፍረስ ስርአቱን ከድተው ለሚመጡ ባለስልጣኖች ዋስትና ልንሰጣቸው ይገባል የስርአቱ ዋነኛ አሽከርካዎችም ካጠገባቸው የነበረ ታማኝ ሎሌያቸው ሲጠፋ ብቻቸውን እንደቀሩ ይገባቸውና እነርሱም መውጫቸውን ይፈልጋሉ።

እንደ ያሬድ አባባል ብአዴን ለወያኔ አልገዛም የእስከዛሬው ይበቃል ቢል ሌሎች አጋር ድርጅቶችም ሊከተሉት ይችላሉ 6 ከመቶ የሚሆን ህዝብን የሚወክለው ፓርቲ (ህወሀት) 94 ከመቶውን የሚያንበረክክበት ምንም ምክንያት የለውም ስለሆነም ፓርቲያዊ እምቢተኝነት ከብአዴን ቢጀመር አጠቃላይ አገራዊ አብዮት ያስነሳል።

በአፍላዎቹ እድሜው ለአስር አመታት በኢትዮጵያ በረሀዎች ሲታገል የነበረው ያሬድ ዛሬም በጉልምስናው ወራት የህብረ ብሄር ካባውን ለብሶ ብለው ሲል ይሰማል ይህ እድለኛም ቆራጥም መሆንን ይጠይቃል በነገራችን ላይ ወልቃይት አማራ ነው ትግራዋይ ነው የሚለው ሰሞነኛ ክርክርን ለመጀመሪያ ጊዜ ወልቀይት አማራ ነው እኔም በቦታው ነበርኩኝ፣ ከወልቃይት ህዝብ ጋር ታግያለው ሲል በፌስቡክ ገጹ የመሰከረው ራሱ ያሬድ ነው።

የያሬድን መንገድ ተከትሎ የብአዴን አባላትን እስከ አመራሩ ድረስ ደጀን ቆመን የወልቃይት ህዝብ ያነሳው ጥያቄ እልባት እንዲያገኝ መስራት ብልህነት ነው ጊዜ የለም አዎን እንፍጠን ወገን እየተዋደቀ ነው ነጻነት ከደጃፋችን ናት በራችንን እያንኳኳች ነው አዎንታዊ ምላሽ እንስጣት …የትግል ንድፈ ሀሳቦችን እያዋጣን ወደ ተግባር እንመንዝረው።

Advertisements

Posted on August 29, 2016, in AFRICAN NEWS, Andinet, Andinet party, esat.com, ETHIOPIA AMHARIC, Ginbot 7, OLF. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: